توێژینەوەیەک: شێوازی ژیانی تەندروست پیربوونی مێشک دوادەخات

 

توێژینەوەکە ئاماژە بەوەدەکات، شێوازی ژیانی تەندروست وەکو 'دوورکەوتنەوە لە بەکارهێنانی شەکر و خوێی زیادە، ئەنجامدانی وەرزشی مامناوەند و دوورکەوتنەوە لە كێشانی جگەرە، نێرگەلە و خواردنەوەی کحول' یارمەتیدەر دەبێت لە بەرپەرچدانەوەی کاریگەرییە نەرێنییەکانی پەیوەست بە نەخۆشی شەکرە لەسەر مێشک.

 

د. ئەبیگایل دۆڤ سەرپەرشتیاری توێژینەوەکە دەڵێت، '' شەکرە هۆکارێکی مەترسیدارە بۆ پیربوونی خانەکانی مێشک و تووشبوون بە لەبیرچوونەوە، دەبێت بە شێوازی ژیانی تەندروست کۆنتڕۆلبکرێت''. 

 

بە گوێرەی رێکراوی تەندروستیی جیهانی WHO, نزیکەی 540 ملیۆن کەس لە جیهاندا تووشبووی نەخۆشیی شەکرەن لەم ژمارەیەدا 98%ـیان تووشبووی جۆری دووەمی نەخۆشیی شەکرەن. 

 

بەپێی مایۆکلینیک شێوازی ژیانی تەندروست بریتییە لە؛ 

 

- بایەخدان بە خواردنی سەوزە و میوەکان

- کاتی رێکی خەوتن 

- جووڵەی رۆژانە و چالاکیی جەستەیی

- بڕێکی دیاریکراو کالۆریی رۆژانە بخورێت.

- سنووردارکردنی شەکر، چەوری و خۆراکە خێراکان.

- کەمکردنەوە و دوورکەوتنەوە لە کحول، خواردنەوە وزەبەخشەکان و خواردنەوە گازییەکان.

- خەوی باش

- بەهێزیی پەیوەندیی کۆمەڵایەتی