هەڵەیەک روویدا! دووبارە هەوڵبدە
رووداو - تەندروستی
راپۆرتێکی رێکخراوی تەندروستیی جیهانی دەریدەخات، میسر وەکو سێیەم وڵات دوای {ئیمارات و مەغریب} لە رۆژهەڵاتی نێوەڕاست بڕوانامەی ''بنبڕکردنی مەلاریا'' بەدەستدەهێنێت.
د. تێدرۆس ئادهانۆم، سەرۆکی رێکخراوی تەندروستیی جیهانی WHO دەڵێت: نەخۆشیی مەلاریا هاوتای شارستانیەتیی میسر کۆنە و ئەو نەخۆشییە یەکێکە لەوانەی کە تووشی فیرعەونەکان بوو، بەڵام ئێستا بەشێکە لە رابردووی میسر.
ئاماژەشی بەوەدا کە میسر بە پابەندبوونی بە رێکارەکانی رووبەڕووبوونەوە و چارەسەرکردنی تووشبووانی نەخۆشیی مەلاریا، توانی لەم بەڵا گەورەیە رزگاری ببێت.
ئەم بڕیارەی WHO، دوای ئەوە دێت کە حکومەتی میسر بێبەرامبەر دەستنیشانکردن و چارەسەری بۆ هەموو هاووڵاتییانی فەراهمکرد و بەم شێوەیە توانی کۆنتڕۆڵی ژمارەی تووشبووان و راگرتنی بڵاوبوونەوەی نەخۆشییەکە بکات.
ئەم بڕوانامەیە لەسەر بنچینەی ئەوە بە وڵاتان دەدرێت کە ماوەی سێ ساڵ هیچ تووشبوویەکی نەخۆشییەکە تۆمارنەکەن و هەموو ئاسانکارییەکی پشکنین و چارەسەرکردنیان هەبێت.
بەپێی WHO، تاوەکو ئێستا 44 وڵات لە جیهاندا ئەم بڕوانامەیان بەدەستهێناوە و مەلاریا ساڵانە 600 هەزار کەس دەکوژێت کە 95٪ـیان لە ئەفریقان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ