نەخۆشخانەی بەرکەوتووانی چەکی کیمیایی: بڕیارە تیمێکی بیانی دووبارە چاندنی گلێنە بۆ بەرکەوتووان بکات

 

ئەمڕۆ چوارشەممە 30-10-2024 لوقمان عەبدولقادر، سەرۆکی کۆمەڵەی قوربانییانی بەرکەوتەی چەکی کیمیایی بە رووداوی راگەیاند، داوای ئەوە دەکەن بۆ چاندنی گلێنەی چاو هەندێک لە قوربانییان ببرێنە دەرەوە وڵات.

 

بەڵام رووداو لەسەر ئەم پرسە قسەی لەگەڵ جێگری بەڕێوەبەری نەخۆشخانەی بەرکەوتووانی چەکی کیمیایی هەڵەبجە کرد و ئەویش گوتی، بە بڕیاری وەزارەتی تەندروستیی عێراق، بەرکەوتووان لەنێو عێراقدا چارەسەردەکرێن و پێداویستییەکانی چاندنی گلێنەیان بۆ دابیندەکرێت.

 

ئەمڕۆ عیماد فەیروز، جێگری بەڕێوەبەری نەخۆشخانەی بەرکەوتووانی چەکی کیمیایی هەڵەبجە بە رووداوگی گوت، هیچکام لەوانەی کە چووبوونە کەربەلا {ژمارەیان 7 کەس بووە} رەزامەند نەبوون کە گلێنەیان بۆ بچێندرێت، چونکە ستافەکە بڕیاریان دا کە گلێنەی چاو بۆ پێنجیان بکەن، چونکە لەو حەوت کەسە، سیانیان بەهۆی نالەباریی دۆخی تەندروستییان نەدەکرا نەشتەرگەرییەکەیان بۆ بکرێت.

 

بە گوتەی عیماد فەیروز، ئەو پێنج کەسەی لیژنەکە بڕیاری نەشتەرگەرییەکەی بۆ دابوون، پەشیمان بوونەوە و هەر لەوێ بەبێ چارەسەر گەڕانەوە هەرێمی کوردستان.

 

سەرئەنجام عیماد فەیروز دەڵێت: ''تیمەکە بڕیاریان داوە کە بەرکەوتووان ببیننەوە و ئاسانکاریی تەواو بکەن بۆ ئەنجامدانی چاندنی گلێنە''.

چوونی ئەو حەوت قوربانییەی چەکی کیمیایی بۆ کەربەلا لە مانگی 11ـی ساڵی رابردوو بوو.