هەڵەیەک روویدا! دووبارە هەوڵبدە
ئەوین هیوا، خۆراکناس.
رووداو - تەندروستی
خۆراکناسێک لەبارەی خواردنەوەی قاوەوە رایدەگەیێنێت، پێویستە کاژێر و نیوێک دوای لەخەوهەستان، قاوە بخورێتەوە، ''چونکە هۆکاردەبێت بۆ دڵەڕاوکێ و ناڕێکیی دەروونی بە درێژایی رۆژەکە''.
ئەمڕۆ چوارشەممە 30-10-2024 ئەوین هیوا، خۆراکناس لە بەرنامەی نوورۆژ دا بە رووداوی راگەیاند، ''دوای لەخەوهەستان هۆرمۆنی دڵەڕاوکێ بەرزە و بە خواردنەوەی قاوە بەرزتر دەبێتەوە''، هەر بۆیە پێشنیازدەکات، کاژێر و نیوێک دوای لەخەوهەستان، قاوە بخورێتەوە.
ئەوین هیوا، خۆراکناس دەڵێت، سوودەکانی قاوە پشت بە چۆنیەتی و چەندێتیی خواردنەوەی دەبەستێت، بەجۆرێک ئەگەر رۆژانە کەمتر لە چوار کووپ بخورێتەوە، ئەوا ئاساییە و سوودی تەندروستی دەبێت، بەڵام بە زێدەڕۆیی زیانی دەبێت.
لە کۆتاییدا گوتی، ''قاوە شەکری تێنەکرێت و بە بڕێکی ئاسایی بخورێتەوە، بۆ ئەوەی نەبێتەهۆی ئالوودەبوون''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ