زانکۆی مۆنتریێل: کەمیی ڤیتامین D هۆکارێکی نەخۆشیی جۆری یەکەمی شەکرەیە

 

توێژینەوەکە ئاماژە بەوەدەکات، کەمیی لە رێژەی ڤیتامین دی هۆکارێکی هێرشکردنەوەی خانەکانی بەرگری جەستەیە بۆ سەر خۆیان، بەمەش ئەگەری تووشبوون بە چەندین نەخۆشیی دروستدەبێت و باوترینیان شەکرەی جۆری یەکەمە. 

 

د. جۆن وایت، سەرپەرشتیاری توێژینەوەکە دەڵێت، ''ڤیتامین D پێویستە بۆ گەشەکردنی ئاسایی و تەندروست، ئەوانەی ئەم ڤیتامینەیان کەمە دەبێت خۆراکی دەوڵەمەند بە ڤیتامینەکە بخۆن و دەکرێت لەژێر راوێژی پزیشکی پسپۆڕ دەرمان وەربگرن''.

 

بە گوێرەی دەزگای خۆراک و دەرمان لە ئەمریکا، ڤیتامین D یەکێکە لەو ڤیتامینانەی کە لەناو چەوریدا دەتوێتەوە و زۆر گرنگە بۆ تەندروستی ئێسک و بەهێزبوونی کۆئەندامی بەرگریی جەستە.

 

بەپێی پەیمانگەی تەندروستیی نیشتیمانی لە بەریتانیا، برۆکلی، ماسی، جگەر، هێلکە، شیر و پەنیر سەرچاوەی باشی ڤیتامین Dـن.