هەڵەیەک روویدا! دووبارە هەوڵبدە
رووداو - تەندروستی
پسپۆڕێکی نەشتەرگەری و شێواوییە سکماکییەکانی منداڵان رایدەگەیێنێت، فتق لەنێو کوڕاندا بەربڵاوە و باشترین رێگە چارەش نەشتەرگەرییە.
د. محەممەد مەمووندی، پسپۆڕی نەشتەرگەری و شێواوییە سکماکییەکانی منداڵان دەڵێت: ئەوانەی بە ناکامی لەدایکدەبن واتە پێش کاتی خۆیان لەدایکدەبن، ئەگەری تووشبوونیان بە فتق زۆرە.
بەگوتەی د. محەممەد مەمووندی ئەم خاڵانەی خوارەوە لەسەر فتق باسدەکات؛
1- فتق دەکرێت لە کوران و کچانیش رووبدات، بەڵام لە کوڕان باوترە.
2- زیاتر لە بەشی لای راستی جەستەدا روودەدات.
3- تەنیا لە رێگەی نەشتەرگەرییەوە دەبێت بەزوویی چارەسەربکرێت تاوەکو تووشی رووداوی نەخوازراوی گیرانی ریخۆڵەکان نەبێت.
4- گریان و هاوارکردن فتق دروست ناکەن، بەڵام هۆکارن بۆ بەدیارکەوتنی فتقەکە ،چونکە فتق لە منداڵان سکماکییە.
5- بۆ دروستبوونی فتق؛ باوترین تەمەن لە کوڕان کەمتر لە ساڵێکە و لە کچانیش چوار بۆ پێنج ساڵە.
6- پێشوەختە لەدایکبوونی منداڵان هۆکارێکی سەرەکییە بۆ ئەو نەخۆشییە.
7- پێویستە منداڵی تووشبوو لەلایەن پزیشکی پسپۆڕەوە ببیندرێت و چارەسەری پێویستی بۆ بکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ