هەڵەیەک روویدا! دووبارە هەوڵبدە
رووداو - تەندروستی
نەخۆشنامەی ئەمجارە بە چیرۆکی ئەو نەخۆشانە دەستپێدەکات کە شەرم دەکەن لە کێشەکانی مایەسیری و شوێنە هەستیارەکان، بەجۆرێک سەرەتا دەڵێن، ''سکم دێشێ''، بەڵام دوای لێوردبوونەوە دەردەکەوێت سکئێشەکە هی بن سکییەتی و دوای پشکنین ئاشکرادەبێت کە مایەسیرییەتی.
د. قەلەندەر کەسنەزانی، راوێژکاری نەشتەرگەرییەکانی کۆئەندامی هەرس و پسپۆڕی چاندنی جگەر و پەنکریاس میوانە و دەڵێت: هەر نەخۆشێک دەچێتە لای پزیشک، پێویستە بە کورتی و بە روونی کێشە تەندروستییەکەی روونبکاتەوە.
د. قەلەندەر کەسنەزانی روونی دەکاتەوە، نابێت ئەو کەسەی لەگەڵ نەخۆشەکەیە ''مرافق'' قسەبکات و وەسفی نەخۆشیی نەخۆشەکە بکات، جگە لەوەی کە نەخۆشەکە لەبیرچوونەوەی هەبێت، ''چونکە هەموو ئەو شتانە چارەسەر و تێگەیشتنەکان لە نەخۆشەکە دوادەخات و ناڕێکی دەکات''.
بۆیە ئەو پسپۆڕە پێشنیازدەکات کە نەخۆش دۆخی چۆن بوو، رێک بیڵێت بە پزیشکەکە، واتە وەسفی دۆخی خۆی بکات، هەروەها دەڵێت: لای پزیشكەکەت باسی قسەی گوگڵ مەکە، ئەگەرنا تووڕەدەبێت.
بەشێکی قسەکانیشی باسی ئەوە دەکات کە مەرج نییە هەر نەخۆشێک چەند کەسێک لەگەڵی بچنە ژوورەوە بۆ بینینی پزیشک، ''چونکە نەخۆش نهێنیی هەیە و نابێت کەس بیزانێت''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ