رووداو- هەولێر
توێژینەوەیەکی ئوسترالی کە لەلایەن پزیشكانی زانکۆی ئیدیس کۆوان ئەنجامدراوە، دەریخستووە ئەو کەسانەی رۆژانە قاوە دەخۆنەوە، مەترسیی تووشبوونیان بە ئەلزهایمەر کەمترە.
بەگوێرەی توێژینەوە نوێیەکە ئەو کەسانەی رۆژانە زیاتر قاوە دەخۆنەوە، مەترسیی کۆبوونەوەی ئەمایلۆید لەسەر خانەکانی مێشكیان کەمترە، بەمەش لە داهاتوودا کەمتر تووشی ئەلزهایمەر دەبن.
د. سامانسا گاردنەر، سەرپەرشتیاری توێژینەوە ئوسترالییەکە دەڵێت پەیوەندی هەیە لەنێوان خواردنەوەی قاوە و کەمبوونەوەی تووشبوون بە ئەلزهایمەر، هاوکات روونیدەکاتەوە دەکرێت خەڵک خواردنەوەی قاوە بکەنە خوویەکی رۆژانە و یارمەتیدەر بۆ دووربوون لە لەبیرچوونەوە، بەتایبەت لەو کەسانەی کە لە مەترسی زیاتردان.
لە جیهاندا لانیکەم 55 ملیۆن کەس تووشی لەبیرچوونەوە بوون، ئەلزهایمەر بەربڵاوترین جۆر و هۆکاری لەبیرچوونەوەیە، کە نزیکەی 50-70٪ی حاڵەتەکان پێکدەهێنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ