بە یەک قاچ تەمەنی بایۆلۆژیی جەستەت بزانە
رووداو - تەندروستی
توێژەرانی مایۆکلینیک جەخت لە تاقیکردنەوەیەک دەکەنەوە بۆ ئەوەی تەمەنی بایۆلۆژیی جەستە بزاندرێت، ئەو تاقیکردنەوەیەش بە کەمتر لە خولەکێک ئەنجامدەدرێت و هیچ ئامێرێکی پێویست نییە.
لە توێژینەوەیەکی مایۆکلینیک دا کە لەسەر 40 کەس کرا دەرکەوت، راگرتنی هاوسەنگیی جەستە بە یەک قاچ، هێزیی ماسوولکە، دەمار و ئێسکەکان دەردەخات و دەتواندرێت بۆ زانینی تەمەنی بایۆلۆژیی جەستە بەکاربهێندرێت.
د. کێنتۆن کافمان، نووسەری سەرەکیی توێژینەوەکە دەڵێت: راگرتنی هاوسەنگیی جەستە مەرجێکی سەرەکییە بۆ زانینی تەمەنی بایۆلۆژیی جەستە، ئەوەش لەڕێگەی وەستانە بۆ ماوەی کەمتر لە خولەکێک بە یەک قاچ.
بەپێ توێژەران ئەم پێوەرانەی خوارەوە دەکرێت بۆ تاقیکردنەوەکە بەکاربهێندرێن و ئەوانەی نەیانتوانی لەم چرکانە بووەستن، مانای ئەوەیە کە تەمەنی بایۆلۆژییان زیاترە لە تەمەنی راستەقینەیان؛
- کەسانی کەمتر لە 40 ساڵان؛ 43 چرکە بە یەک قاچ راوەستن.
- کەسانی 40-49 ساڵان؛ 40 چرکە بە یەک قاچ راوەستن.
- کەسانی 50-59 ساڵان؛ 37 چرکە بە یەک قاچ راوەستن.
- کەسانی 60-69 ساڵان؛ 19 چرکە بە یەک قاچ راوەستن.
- کەسانی 70-79 ساڵان؛ 15 چرکە بە یەک قاچ راوەستن.
- کەسانی سەروو 80 ساڵان؛ لانیکەم 5 چرکە بەیەک قاچ راوەستن.
تەمەنی بایۆلۆژی جیاوازی لەگەڵ تەمەنی ئاسایی چییە؟