د. سەباح هەورامی: داوا لە خانمان دەکەم شەش مانگ جارێک پشکنینی پێشوەختەی شێرپەنجە بکەن

 

ئەمڕۆ دووشەممە 28-10-2024 د. سەباح هەورامی، بەڕێوەبەری گشتیی تەندروستیی سلێمانی لە لێدوانێکی رۆژنامەڤانیدا ئاشکرای دەکات، ئەگەر ساڵانە خانمان پشکنین بکەن، ئەوا لە قۆناخە سەرەتاییەکاندا شێرپەنجەکەیان دەستنیشاندەکرێت ئەمەش ئەگەری رزگاربوون و چارەسەرکردنیان لە شێرپەنجەکە زیاددەکات.

 

لەبارەی ئەو پزیشکانەی بەهۆی نەبوونی مووچەوە بایکۆت دەکەن گوتی، هەر پزیشکێک لەکاتی نەبوونی مووچە دەوام بەجێبهێڵێت و بچێتە نەخۆشخانە تایبەتەکان دەوام بکات، زۆر بە تووندی سزادەدرێت.

 

هەروەها دەڵێت: پیشەی پزیشکی کارێکی مرۆڤایەتییە و ناکرێت بەهۆی پارەوە ژیانی نەخۆش پشتگوێبخرێت و پزیشکان دەوام نەکەن.