رووداو - تەندروستی
دەزگای خۆراک و دەرمان لە ئەمریکا دەرمانێکی نوێ بۆ نەخۆشیی شیزۆفرینیا پەسنددەکات و 60٪ نیشانەکانی نەخۆشییەکە کەمدەکاتەوە.
دەزگاکە رایدەگەیێنێت، دەرمانە نوێیەکە بە ناوی COBENFYـیە و لەڕێگەی دەمەوە دەدرێت بە نەخۆش و لەلایەن کۆمپانیایەکی ئەمریکییەوە بەرهەمدەهێندرێت، لە توێژینەوەکاندا دەرکەوتووە کە 60٪ نیشانەکانی نەخۆشییەکەی کەمکردووەتەوە و کوالێتیی ژیانی تووشبووش باشتردەکات.
بە گوێرەی کۆمپانیای بەرهەمهێنەر، لەکۆتایی مانگی ئۆکتۆبەری ئەمساڵدا لە ئەمریکا دەرمانەکە بەردەستدەبێت و رۆژانە دوو دەنکۆڵەی لێدەخورێت.
کریس بۆرنەر، سەرۆکی دەستەی کارگێڕیی کۆمپانیای بریستۆڵ مایرێسی ئەمریکی دەڵێت: ئەمە شۆڕشێکی نوێ و مژدەبەخشە بۆ تووشبووانی شیزۆفرینیا، چونکە دوای 30 ساڵ، ئەمە یەکەم دەرمانی نوێی نەخۆشییەکەیە.
بەپێی WHO، نزیکەی دوو ملیۆن و 800 هەزار کەس لە ئەمریکا و 24 ملیۆن کەسیش لە جیهاندا تووشبووی نەخۆشییەکەن.
بەگوێرەی مایۆکلینیک، سکیزۆفرینیا کە لەنێو خەڵکدا بە ''شیزۆفرینیا'' ناسراوە؛ تێکچوونێکی مێشکییە و کەسی تووشبوو ئەم نیشانانەی دەبێت؛
- خەوبینین
- ناڕێکیی قسەکردن
- قسەکردن لەبەر خۆیەوە
- کەمبوونەوەی توانای بڕیاردان
- گۆشەگیری
- وڕێنەکردن
- ناڕێکیی خەو
- بیستنی دەنگی نامۆ
- بیستنی دەنگی نامۆ
رێگەکانی پێشگیریکردن لە نەخۆشییەکە؛
- خواردنی خۆراکی دەوڵەمەند بە ئۆمێگا سێ
- خواردنی سەوزە و میوەکان
- وەرزش و جووڵەی رۆژانە
- رێکخستنی کاتی خەو؛ خەوتن لەهەمان کاتدا
-دوورکەوتنەوە لە کێشانی جگەرە و نێرگەلە
- کەمکردنەوە و دوورکەوتنەوە لە کحول
- بایەخدان بە پشکنینی پێشوەختە
- کۆنتڕۆڵکردنی شەکر و پەستانی خوێن
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ