رووداو - تەندروستی
کۆلێژی پزیشكی زانکۆی بایلۆر لە راگەیێندراوێکدا ئامۆژگاری خەڵک دەکات بەوەی دەرمانەکانیان لە شوێنی سەلامەت، دوور لە پلەی گەرمی بەرز و شێی بەرز هەڵبگرن.
لە راگیێندراوەکەی ئەم کۆلێژەدا هاتووە، دانانی دەرمان لە پلەی گەرمی بەرز کاریگەریی دەرمانەکە لاواز دەکات و سوودی تەواوەتی نامێنێت.
دکتۆر مایک رێن، پرۆفیسۆر لە پزیشکیی خێزانی دەڵێت، '' کاتێک دەرمان لە شوێنی گەرم هەڵدەگیرێت رەنگە شێوەی دەرەوەی دەرمانەکان وەکو ئاسایی دەربکەون، بەڵام پێکهاتە گرنگەکانی تێکدەچن و کاریگەریان کەمدەبێت''.
بە گوێرەی کۆلێژی پزیشكی زانکۆی بایلۆر لە ئەمریکا، دەبێت دەرمان دوور لە تیشکی رۆژ، لە ژینگەیەکی فێنک و وشک هەڵبگیرێن.
بە پێی دەزگای خۆراک و دەرمان لە ئەمریکا FDA، هەردوو پلەی گەرمی زۆر سارد و زۆر گەرم کاردەکەنە سەر کوالێتیی دەرمان، هەر دەرمانێك لەیبڵی تایبەتی هەیە کە پلەی گەرمی گونجاوی لەسەر نووسراوە و بە گشتی پلەی گەرمی 15 بۆ 25 پلەی سیلیزی گونجاوە بۆ هەڵگرتنی دەرمان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ