بەڕێوەبەری گشتیی تەندروستیی هەڵەبجە: ئێستا زووتر گەنجان تووشی نەخۆشییەکانی دڵ دەبن

 

ئەمڕۆ یەکشەممە 27-10-2024 د. ئازاد مستەفا، بەڕێوەبەری گشتیی تەندروستیی هەڵەبجە لە کۆنگرەیەکی رۆژنامەڤانیدا دابینکردنی ئامێرێکی پشکنینی بە ناوی CT Angiography راگەیاند و گوتی، لەمەودوا بەشێکی زۆری نەخۆشەکان بۆ پشکنینی جەستەیان ناچنە سلێمانی و هەر لە هەڵەبجە پشکنینیان بۆ دەکرێت.

 

ئامێرەکە لە نەخۆشخانەی فریاکەوتنی فێرکاریی هەڵەبجە دانراوە و بە گوتەی د. ئازاد مستەفا، زیاتر لە ملیارێک دیناری لەسەر داهاتی نێوخۆی سلێمانی تێچووە.

 

بەشێکی قسەکانی ئاماژەی بە بایەخی ئەو ئامێرە نوێیە کرد بۆ گەنجان و گوتیشی، ''ئێستا گەنجان زووتر تووشی نەخۆشییەکانی دڵ دەبن و پێی نازانن، هەر بۆیە ئەم پشکنینە دەستنیشانی ناڕێکییەکانیان دەکات''، تاوەکو لە ئەگەری بوونی هەر نەخۆشییەک کەسەکە دڵنیاببێتەوە.

 

 

* کێشانی جگەرە و نێرگەلە

* گوشاری دەروونی 

* ناڕێکیی خەو 

* خۆراکی ناتەندروست

* نەخۆشییە درێژخایێنەکان

* قەڵەوی

* بۆماوە

 

 

* سینگئێشە

* ئازاری شان و قۆڵی چەپ

* هێڵنج و رشانەوە

* ئارەقکردن و ساردبوونی پێست

* هەناسەتەنگی 

* ناڕێکیی لێدانی دڵ