رووداو - تەندروستی
توێژینەوەیەکی زانکۆی ڤێرجینیا لە ئەمریکا دەریدەخات، چالاکیی جەستەیی تووند هەستکردن بە برسیێتی کەمدەکاتەوە و یارمەتی کێشدابەزاندن دەدات.
توێژینەوەکە ئاماژە بەوەدەکات، هۆرمۆنی گرێلین کە تایبەتە بە رێکخستنی هەستی برسیێتی و ئارەزووی خواردن، بە وەرزش و راهێنانی تووند کەمتر دەردەرێت بەراورد بە راهێنانی مامناوەند.
کارا ئەندرسن، توێژەری سەرەکی توێژینەوەکە دەڵێت، ''جیا لە دەرمان و نەشتەرگەری هەر رێگەیەکی دیکە یارمەتیدەربێت لە کەمکردنەوەی ئارەزووی خواردن، یارمەتیدەردەبێت لە کێشدابەزاندن''.
بە گوێرەی ناوەندی کلیڤلاندی پزیشکی، گرێلین هۆرمۆنێکە لە جەستە بەرپرسە لە هاندانی ئارەزووی خواردن و هەستکردن بە برسێتی بە زیادکردنی چالاکییەکان لە ناوچەیەکی دیاریکراوی مێشک و ئەوانەی ئاستی گرێلینیان زیاترە ئەستەمتر توانای کێشدابەزاندنیان هەیە.
بەپێی رێکخراوی تەندروستیی جیهانی WHO، بۆ پێشگیریکردن لە قەڵەوی و نەخۆشییەکانی پەیوەست بە کەمجوڵەیی دەبێت هەفتانە زیاتر لە 75 خولەک وەرزشی تووند ئەنجامبدرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ