رووداو - تەندروستی
خۆراکناسێک رایدەگەیێنێت، لە یەک پەشمەک نزیکەی 28 بۆ 30 گرام شەکر هەیە و دەڵێت منداڵان نەیخۆن، چونکە دەبێتەهۆی قەڵەوی و نەخۆشیی شەکرە.
ئێلا ئیحسان، خۆراکناس بە رووداوی گوت، پەشمەک تەنیا شەکر، رەنگ و تامی دەستکردی تێدایە و هیچ بەهایەکی خۆراکی و ریشاڵی تێدا نییە و دەبێتەهۆی قەڵەوی و تێکدانی خەو لە منداڵان.
ئەم خۆراکناسە ئاماژە بەوەشدەکات، خواردنی پەشمەک لە منداڵان، شەکری خوێن زوو بەرز دەکاتەوە، پاشان زوو دایدەبەزێنێت ئەمەش دەبێتەهۆی زوو برسیبوونی منداڵەکە و پاشان قەڵەوبوونی.
لەکۆتاییدا گوتی، زۆرخواردنی شەکر دەکرێت منداڵ تووشی فرەجووڵەیی بکات و ئەو رەنگ و شەکرەی پەشمەک تێیدایە گۆڕانکاری لە هۆرمۆنەکان دروستدەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ