هەڵەیەک روویدا! دووبارە هەوڵبدە
رووداو - تەندروستی
نەخۆشنامەی ئەمجارە تایبەتە بە باسکردنی رێکخستنی ژەمەکانی دوای تەواوبوونی مانگی رەمەزان و پسپۆڕێک پێشنیازدەکات، دوای رەمەزانیش تاک خۆی رابهێنێت، تەنیا دوو ژەم بخوات.
د. شێروان خۆشناو لە باسی رۆژووی شەشەڵاندا گوتی، ''باشترە دابەشبکرێت بەسەر مانگی دوای رەمەزان و رێک دوای جەژن بەسەر یەکەوە نەبێت، بۆ ئەوەی وەکو راهێنانەوەیەک بێت بۆ کۆئەندامی هەرس دوای رۆژووگرتنی مانگی رەمەزان''.
ئەو پسپۆڕە ئاماژە بە خواردنی دوو ژەمی دەکات و دەڵێت: تاک خۆی رابهێنێت لە خواردنی دوو ژەم لەبری سێ ژەم، بۆ ئەمەش دەبێت تاوەکو برسیت نەبێت، هیچ نەخۆیت.
ئاو باشترین شلەمەنییە لە رۆژانی جەژن بخورێتەوە بەراورد بەوەی شەربەت و خواردنەوە گازی و وزەبەخشەکان بخورێنەوە. {هەرچەندە ماستاویش پێشنیازدەکات}. ئاماژەش بە زەڵاتە دەدات کە گرنگە بخورێت، چونکە هۆکارێکە بۆ کەمخۆری.
د. شێروان خۆشناو، پسپۆڕی وردی نەخۆشییەکانی کۆئەندامی هەرس و جگەر دەڵێت: مەرج نییە هەموو سکچوون و رشانەوەیەک پێویستی بە وەرگرتنی دەرمان بێت بەتایبەت دەرمانی دژەبەکتریاکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ