د. فاتن خالید، پسپۆڕی ژینگە - دیمەنێکی هەوای پیسبوونی شارێکی کوردستان.
رووداو - تەندروستی
پسپۆڕێکی ژینگە و گۆڕانەکانی کەشوهەوا رایدەگەیێنێت، 75٪ـی پیسبوونی هەوای شارەکان بۆ سووتانی پاشماوەی زیانبەخشی ئۆتۆمبێلەکان دەگەڕێتەوە کە کاریگەریی راستەوخۆ و ناڕاستەوخۆی لەسەر تەندروستی و ژینگە هەیە.
ئەمڕۆ پێنجشەممە 26-12-2024 د. فاتن خالید، پسپۆڕی ژینگە بەشداریی نووڕۆژی کرد و رایگەیاند، زۆرینەی هۆکاری پیسبوونەکانی کەشوهەوا مرۆیین و دەکرێت کەمبکرێنەوە و کۆنتڕۆڵبکرێن.
د. فاتن خالید دەڵێت: ''گازە ژەهراوییەکان لەئەنجامی سووتاندنی سووتەمەنیی خراپ و کارکردنی کارگەکان بە شێوەیەکی نادروست بەرهەمدێن''.
ئەوەش باسدەکات کە پێویستە وزەی خاوێن بەکاربێت وەکو وزەی خۆر بۆ بەرهەمهێنانی کارەبا و کارپێکردنی ئامێرەکان، تەنانەت دەشڵێت: ئێستا سەوزکردنی ژینگە پێویستە بۆ رووبەڕووبوونەوەی پیسبوونەکانی هەوا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ