رووداو - تەندروستی
بەڕێوەبەری سەنتەری شێرپەنجە و نەخۆشییەکانی مەمک لە رانیە ئاشکرای دەکات، لە ساڵ و نیوێکدا 35 تووشبووی شێرپەنجە لە سەنتەرەکەیان تۆمارکراون و بۆ چارەسەریش نێردراون بۆ هەولێر و سلێمانی.
ئەمڕۆ پێنجشەممە 26ـی ئەیلوولی 2024 کاروان محەممەد، بەڕێوەبەری سەنتەری نەخۆشییەکانی مەمک لە رانیە بە رووداوی راگەیاند، هەر کەسێک بە پشکنینی مامۆگرافی گومانی ئەوەی لێبکرێت کە شێرپەنجەی مەمکی هەیە، دەنێردرێتە هەولێر و سلێمانی بۆ ئەوەی بە پشکنینی وردتر شێرپەنجەکە دەستنیشانبکرێت.
لەبارەی ئەوەی کە بۆچی لە رانیە پشکنینی دڵنیابوونەوەیان بۆ ناکرێت، کاروان محەممەد گوتی، ''لە سەنتەرەکە کێشەی نەبوونی پسپۆڕی شانەزانی و کەلوپەلی تاقیگەییان هەیە و ناتوانن پشکنینی وردتری دەستنیشانکردنی شێرپەنجەی مەمک {پشکنینی زەرع} بکەن''.
بە گوتەی پسپۆڕانی سەنتەرەکەش، هەموو ئەوانەی نێردراونەتە شارەکانی دیکە بۆ پشکنینی دڵنیابوونەوە، تووشبووی شێرپەنجەی مەمک بوون؛ ئامارەکانی سەنتەرەکە بەجۆرێکن کە لە شەش مانگی ئەمساڵدا 15 تووشبوو تۆمارکراون و ساڵی رابردووش 20 تووشبووی تۆمارکراو هەبوون.
خانمان بەم شێوەیە ئەگەری تووشبوون بە شێرپەنجەی مەمک کەمبکەنەوە.
خانمان بەم شێوەیە ئەگەری تووشبوون بە شێرپەنجەی مەمک کەمبکەنەوە.
پسپۆڕێک لە بابەتێکی پەیجی رووداوی تەندروستیدا دەڵێت: ''شەرمکردن لە کێشە تەندروستییەکانی مەمک هۆکارێکی درەنگ دەستنیشانکردنی شێرپەنجەی مەمکە''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ