رووداو - تەندروستی
توێژینەوەیەکی نوێ لە نەرویژ ئاشکرای دەکات، وەرزش نیشانەکانی پیربوون دوادەخات و ئەگەری تووشبوون بە لەبیرچوونەوە لە بەساڵاچووندا کەمدەکاتەوە.
توێژەرانی زانکۆی نۆرواگن لە نەرویژ رایدەگەیێنن، وەرزش مادەی خۆڵەمێشیی مێشک دەپارێزێت لە پووکانەوە، بەمەش توانا هزری و مەعریفییەکانی مێشک زیاتر پارێزراوتر دەبن لە بەساڵاچووندا.
د. هارمەندور سیگمەندسۆن، پسپۆڕی نەخۆشییەکانی مێشک و دەمار لە زانکۆکە دەڵێت: وەرزش و جووڵەی رۆژانە هۆکارن بۆ ئەوەی کە توانای بڕیاردان بەهێزبێت و گوشاری دەروونی و دڵەڕاوکێ کەمببێتەوە.
بە گوێرەی سەرچاوەی مایۆکلینیک، رۆژانە لانیکەم 30 خولەک چالاکیی جەستەیی یاخود وەرزش هەبێت وەکو 'مەلەوانی، راکردن، بەپێ رۆیشتن، پایسکیلسواری، شاخەوانی، پەت پەتێن و سەماکردن'.
مایۆکلینیک رایدەگەیێنێت، وەرزش یەکێکە لەو هۆکارانەی مێشکی منداڵ و نەوجەوانان بەهێزدەکات بەتایبەت وەرزشە هەواییەکان، بەجۆرێک 60٪ توانای مێشکی منداڵ زیاددەکات و 50٪ رێگری لە قەڵەویی نەوجەوانان دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ