رووداو - تەندروستی
سەندیکای پزیشکانی کورستان رایدەگەیێنێت، 25 سەنتەری جوانکاری لە قەزاکانی سەر بە سنووری پارێزگای هەولێر داخراون و دەست بەسەر ئامێرەکانیان گیراوە.
سەندیکای پزیشکانی کوردستان دەڵێت، هۆکاری سزادان و داخستنی ئەم سەنتەرە جوانکارییانە نەبوونی مۆڵەتی سەندیکا، کارکردنی ژمارەیەک پزیشکی بێ مۆڵەت و نەبوونی مەرجی تەندروستییە.
د.ئامانج وەفای گوتەبێژی سەندیکای پزیشکانی کوردستان دەڵێت، ''پێویستە لە هەموو سەنتەرەکان پزیشکی پسپۆڕ هەبێت و هیچ سەنتەرێک بۆی نییە پزیشکی دەرەوەی هەرێم بەبێ مۆڵەتی سەندیکا بهێنێت''.
گوتەبێژی سەندیکای پزیشکانی کوردستان ئاماژە بەوەدەکات، هەر پزیشکێک پێویستە لە یەک نۆرینگە کاربکات بە پێچەوانەوە رێکاری یاسای لە دژی دەگیرێتەبەر.
بە گوێرەی سەندیکای پزیشکانی کوردستان، لەم هەڵمەتە پشکنینەدا تاوەکو ئێستا 20 کەس دراونەتە دادگا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ