رووداو - تەندروستی
توێژینەوەیەکی زانکۆی رۆژهەڵاتی فینلەندا دەریدەخات، ژینگەی دەوروبەر و شێوازی ژیانی ناتەندروست کاردەکاتە سەر زیندەچالاکی و تەندروستیی دڵ لە منداڵان.
لەم توێژینەوەیەدا بۆ ماوەی هەشت ساڵ چاودێریی خواردن، خەو، وەرزشکردن و ژینگەی ژیانی نزیکەی 500 منداڵ کراوە و دەرکەوتووە، شێوازی ژیانی ناتەندروست دەشێت لە تەمەنی زووی منداڵیدا زیندەچالاکیی جەستە تێکبدات، ئەگەری تووشبوون بە نەخۆشییەکانی دڵ و شەکرە زیادبکات.
دارێن هێڵی، سەرپەرشتیاری توێژینەوەکە دەڵێت، ''ئەمە یەکەم توێژینەوەی درێژخایە کە پەیوەندی نێوان شێوازی ژیان و تەندروستیی تەمەنی زوویی دەردەخات، دەبێت دایک و باوکان وریا بن''.
بە گوێرەی کۆمەڵەی دڵ لە ئەمریکا، خۆراکی پڕ لە شەکر و چەوریی زیانبەخش لەداهاتوودا منداڵان تووشی چەندین نەخۆشیی درێژخایەن دەکات، منداڵانی خوار 10 ساڵان نابێت رۆژانە زیاتر لە 25 گرام کە دەکاتە شەش کەوچکی چا شەکر بەکاربهێنن و منداڵانی خوار دوو ساڵان هیچ بڕێکی شەکریان پێنەدرێت.
توێژینەوەیەکی کۆمەڵەی شەکرەی ئەمریکیش دەرخەری ئەوەیە، کەمکردنەوەی گوشاری دەروونی، کێشڕێكی و خەوی رێک زیندەچالاکی جەستە رێکدەخەن و تووشبوون بە شەکرە کەمدەکەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ