زانکۆی هەڵ لە بەریتانیا: وردە پلاستیکی نێو ژینگە مەترسی لەسەر دڵ دروستدەکات

 

 

 

پڕۆفیسۆر جیناتا رۆچێڵ، سەرپەرشتیاری توێژینەوەکە دەڵێت ئەو وردە پلاستیکانەی لەناو خوێنی مرۆڤدا دۆزراونەتەوە، دەبنەهۆی هەوکردنی لوولە خوێنەکان، تێكدانی فرمانی مەیینی خوێن، گیران و رەقبوونی خوێنبەرەکان.

 

لە توێژینەوەکەی زانکۆی هەڵ لە بەریتانیا دەرکەوتووە، دەکرێت لەڕێگەی خۆراک و ئاوەوە وردە پلاستیک بچێتە ناو جەستە و پاشان بۆ رێڕەوی خوێن، بەمەش مەترسیی تووشبوون بە گیران و رەقبوونی خوێنبەرەکان زیاددەکات، کە هۆکارێكی جەڵتەی دڵ و مێشکە. 

 

پڕۆفیسۆر جیناتا دەڵێت گەردەکانی پلاستیک لەنێو ژینگە هەن، هەموو کەسێك ئەگەری بەرکەوتنی لەگەڵیان هەیە، کە دەکرێت ببنەهۆی چەند مەترسییەک لەسەر تەندروستی، وەکو مەیینی خوێن، هەوکردنی لوولە خوێنەکان، لاوازبوونی بەرگری جەستە.