رووداو - تەندروستی
پسپۆڕێکی نەخۆشییەکانی کۆئەندامی هەرس لەبارەی ''دەرمانی بەدیل'' کە ئێستا لەنێو دەرمانخانەکان باوە، ئاشکرای دەکات، مەترسیی جیدی دروستدەکات و زۆرجار بە ئەنقەست دەرمانەکان دەدرێن بە نەخۆش.
ئەمڕۆ سێشەممە 25-3-2025 د. محەممەد عومەر لەک، پسپۆڕی وردی نەخۆشییەکانی کۆئەندامی هەرس چیرۆکێک بۆ رووداو دەگێڕێتەوە لەبارەی وەرگرتنی دەرمانی بەدیل و دەڵێت: پێش چەند ساڵێک، نەخۆشێک هاتووە کە لێدانی دڵی رێک نەبووە، دەرمانێکیان بۆ نووسیوە بە ناوی بیزۆپڕۆڕۆڵ، دوای مانگێک نەخۆشەکە هیچ سوودێکی لە دەرمانەکە وەرنەگرتووە و تووشی قەبزی کردووە، دەرکەوتووە لەبری دەرمانی بیزۆپڕۆڕۆڵ، دەرمانی بیزاکۆدیلی دراوەتێ کە بە گوتەی ئەو پسپۆڕە، دەرمانەکە لە شێوە زۆر هاوتای یەکن.
د. محەممەد لەک دەڵێت: زۆرجار بەهۆی ناڕێکیی دەستنووسی پزیشکەکە، یاخود ناشارەزایی ئەو کەسەی دەرمانەکە بە نەخۆشەکە دەدات، ئەگەری هەڵە پێدانی دەرمان زۆر دەبێت و ''ئەوەی کە بووەتە دیاردە، بە مەبەست دەرمانەکان دەگۆڕدرێن''.
مەترسییەکانی گۆڕینی ناوی زانستیی دەرمان لە نەخۆش دەشێت ببێتەهۆی ئامانەی خوارەوە؛
- تێکچوونی لێدانەکانی دڵ
- هەناسەتەنگی
- زەردوویی
- خوێنبەربوونی ناوەکی
- سستبوونی ماسوولکەکان
- جەڵتە
- سەرئێشە
- سستبوونی گورچیلە
- زیانگەیاندن بە جگەر
- سکچوون و رشانەوە
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ