ئاریان عەلی، سەرۆکی رێکخراوی گورچیلەپارێزی کوردستان
رووداو - تەندروستی
سەرۆکی رێکخراوی گورچیلەپارێزی کوردستان رایدەگەیێنێت، یەکێک لە کێشە سەرەکییەکانی بەردەم ئەوانەی گورچیلەیان پەکیان کەوتووە و گورچیلەیان بۆ چاندراوە ئەوەیە کە دەرمانەکانیان گرانن، داوای هاوکاریی بەردەوامیشیان دەکات.
ئەمڕۆ سێشەممە 24-12-2024 ئاریان عەلی، سەرۆکی رێکخراوی گورچیلەپارێزی کوردستان رایگەیاند، نەخۆش هەیە مانگانە لانیکەم پێویستی بە 200 دۆلار هەیە و هەر کەسێکیش چاندنی بۆ بکرێت نزیکەی 40 هەزار دۆلار تێچووەکەی دەبێت.
ئەمڕۆ سیمینارێک لەلایەن رێکخراوی گورچیلەپارێزی کوردستان سازکرا کە بۆ کەسایەتی و دەوڵەمەندەکانی هەڵەبجە بوو، تاوەکو کێشە و گرفتەکانی ئەوانەی گورچیلەیان بۆ چاندراوە دەربخرێن و گوێ لە ئاستەنگییەکانیان بگیرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ