هەڵەیەک روویدا! دووبارە هەوڵبدە
دووکانێکی فرۆشتنی سەوزە و میوە - د. هێرش سەید سەلیم. وێنە: رووداو
رووداو - تەندروستی
جێگری بەڕێوەبەری گشتیی تەندروستیی سلێمانی رایدەگەیێنیت، هەموو ساڵێک سلێمانی ناوچەیەکی گەرمی کۆلێرا بووە و ساڵانە ژمارەی تووشبووان بەرزدەبێتەوە، تەنانەت دەڵێت: ''سەوزەی هیچ شوێنێک پاک نییە و لە ئەمڕۆوە بڕیاری قەدەخەکردنیمان داوە''.
ئەمڕۆ شەممە 24ـی ئابی 2024 د. هێرش سەید سەلیم، جێگری بەڕێوەبەری گشتیی تەندروستیی سلێمانی لەنێو بوولتەنی کاژێر 14:00 دا بە رووداوی راگەیاند، هێشتا کۆلێرا نەبووەتە پەتای بەربڵاو و لە هەفتەی رابردوودا گومان لەسەر زۆرێک لە تووشبووانی نیشانەکانی کۆلێرا هەبوون و ئێستاش لە بەغداوە چاوەڕێی ئەنجامی پشكنینەکانی گومانلێکراوانن {کە بەشێکیان لەلایەن تەندروستیی سلێمانییەوە تووشبوونیان بە نەخۆشییەکە پشتڕاستکراوەتەوە}.
دوای ئەوەی ژمارەیەک نەخۆش لە شاری سلێمانی بە گومانی تووشبوون بە نەخۆشیی کۆلێرا پشکنینیان بۆ کرا، دەرکەوت 8 کەس لەوانە تووشبووی نەخۆشییەکەن؛ د. هێرش سەید سەلیم لەبارەیانەوە دەڵێت: هەموویان خەڵکی سلێمانین و سکچوون و رشانەوەی تووندیان هەیە.
د. هێرش سەید سەلیم باسی ئەوەشدەکات، تائێستا دۆخی هیچ کام لە تووشبووەکان مەترسیدار نییە، تەنانەت ئاماژەشی بەوەکرد، بە هەموو شێوەیەک سەوزەیان قەدەکردووە و دەستیشیان بە تێکدانی ئەو شوێنانە کردووە کە سەوزەیان تێدا چێندراوە.
لەبارەی قەدەخەکردنی سەوزە دەڵێت: ''هەرکاتێک حاڵەتەکان کەمبوونەوە و چاودێریی تەواوەتیی چێشتخانەکان کرا و دڵنیابووینەوە لێیان، ئینجا بەکارهێنانی سەوزە ئاسایی دەکەینەوە''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ