رووداو - تەندروستی
پسپۆڕێکی خۆراک لە ئەمریکا رایدەگەیێنێت، کەمیی ڤیتامینB12 زۆر باوە بەتایبەت لەنێو کەسانی پێگەیشتوو و ئەوانەشی کە رێژیمی رووەکی پەیڕەودەکەن.
سامانسا تەرنەر پسپۆڕی خۆراک لە ئەمریکا دەڵێت، پاراستنی هاوسەنگیی خۆراک بۆ تەندروستی گرنگە بۆ پارێزگاریکردن لە نەخۆشییەکانی دڵ و لوولەکانی خوێن و زیادبوونی کێش.
پسپۆڕەکە ئاماژە بەوەشدەکات، خواردنی خۆراکی هەمەجۆر یارمەتیدەرە بۆ دڵنیابوون لەوەی هەموو ئەو ڤیتامین و کانزا گرنگانە بەدەست دەهێنیت کە جەستە پێویستییەتی و یەکێک لەو ڤیتامینە گرنگانە بریتییە لە ڤیتامین B12.
سامانسا روونی دەکاتەوە، ڤیتامین B12 رۆڵێکی گرنگ دەگێڕێت لە باشترکردنی تەندروستیی دەمار، مێشک و زیندەچالاکیی وزە، زۆر گرنگیشە بۆ گەشەکردنی دەمارەکان، دروستکردنی DNA و دروستبوونی خڕۆکە سوورەکانی خوێن.
پسپۆڕەکە دەریدەخات نیشانەکانی کەمیی ڤیتامین B12 ئەمانەن:
* هەستکردن بە ماندوویێتی
* سڕبوون و تەزینی دەست و قاچ
* ئازار و برینی بچووکی نێو دەم
* زەردبوونی رەنگی پێست
بەپێی رێکخراوی تەندروستیی جیهانی، هەریەکە لە گۆشت، ماسی، خۆراکە دەریاییەکان، هێلکە و شیرەمەنییەکان دەوڵەمەندن بە ڤیتامین B12.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ