رووداو دیجیتاڵ
لە نەجەف ژنێک کەوچکێکى چای قوتدا و لە نەخۆشخانە بە نەشتەرگەری لە گەدەى دەرهێندرایەوە. بەڕێوەبەرى راگەیاندنى تەندروستیى شارەکە دەڵێت: "ئەو ژنە لەکاتى چاخواردنەوەدا کەوچکەکەى قوتداوە و 35 خولەک لە هۆڵى نەشتەرگەرى بووە تاوەکو کەوچکەکە دەرهێندراوەتەوە."
رۆژی پێنجشەممە، 23ـى شوباتى 2023، بەڕێوەبەرایەتیى گشتیى تەندروستیى پارێزگاى نەجەف لە راگەیێندراوێکدا ئاشکرایکرد، نۆرینگەى راوێژکاریى تایبەت بە نەخۆشى و نەشتەرگەریى کۆئەندامى هەرس و گەدە لە نەجەف، نەشتەرگەرییان بۆ ژنێکى 34 ساڵ کردووە کە کەوچکێکى چاى قوتداوە و کەوچکەکەیان لە گەدەى دەرهێناوەتەوە.
بەگوێرەى راگەیێندراوەکە، بەرلەوەى نەشتەرگەرى بۆ بکەن بۆ دەرهێنانەوەى کەوچکەکە، لە رێگەى پشکنینى نازوورەوە کەوچەکەکە لە گەدەى ژنەکە دەرکەوتووە.
![وێنەی ئەو کەوچکەی لە گەدەی ژنەکەدا دەرهێندراوە](https://www.rudaw.net/Library/Images/Uploaded%20Images/2023/02/23/viber_image_2023-02-23_23-31-30-956.jpg)
ماهر عەبوودى، بەڕێوەبەرى راگەیاندنى تەندروستیى نەجەف بە تۆڕى میدیایی رووداوى راگەیاند، کاژێر 10:00ـى بەیانى لەکاتى چاخواردنەوەدا ئەو کەوچکە چووەتە قوڕگى ئەو ژنەوە کە دایکی سێ منداڵە. دەشڵێت، "کاژێر سێى پاشنیوەڕۆ نەشتەرگەرى بۆ کراوە و لەدواى 35 خولەک مانەوە لە هۆڵى نەشتەرگەرى، کەوچکەکە لە گەدەى دەرهێندراوە."
ماهر عەبودى گوتیشى: "ئەو ژنە لە نەخۆشخانە دەرچووە و بارى تەندروستى جێگیرە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ