رووداو - تەندروستی
بەپێی راپۆرتێکی نوێی بەریتانی، لە ساڵی 2020ـەوە ژمارەی ئەوانەی لە نۆرەی چاوەڕێکردنی نەخۆشی خانمان و منداڵبوونن دووهێندە زیادیکردووە.
راپۆرتێکی کۆلێژی شاهانەی پسپۆڕانی خانمان و منداڵبوون دەریدەخات، ئێستا زیاتر لە 755 هەزار خانم لە لیستی چاوەڕێکردنن بۆ بینینی پزیشكی پسپۆڕییەکە، ئاشكراشی دەکات کە بەراورد بە پێش کۆڤید-19، 360 هەزار و 400 خانم زیادیانکردووە.
پسپۆڕان هۆشداری دەدەن لەوەی کە ئەگەر خانمان کاتێکی زیاتر لە نۆرەدا بمێننەوە، ئەوا نەخۆشییەکەیان خراپتردەبێت و ئەگەری لێکەوتەی خراپی لەسەریان زیاتردەبێت، چونکە چارەسەرییەکانیان دوادەکەوێت.
لیۆنی شرێف، خانمێکی بەریتانییە و کێشەی لە منداڵدانی هەیە؛ دەڵێت: "رۆژ نییە بێ ئازار لە خەو هەڵنەستم، کاریگەریی لەسەر هەموو جەستەم هەیە".
هەر بەپێی راپرسییەکە، 65٪ـی ئەو خانمانەی لە نۆرەی بینینی پزیشکی خانمانن، بەهۆی ئازارەوە ناتوانن کارەکانی رۆژانە و ئیشەکانی سەر کاریان بکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ