توێژینەوەیەک: دەرمانەکانی قەڵەوی بیرکردنەوەی خۆکوژی زیاددەکەن

 

توێژینەوەکە لە گۆڤاری JAMA بڵاوکراوەتەوە و نووسەرانی توێژینەوەکە زانیارییەکانی 30 هەزار بەکارهێنەری دەرمانەکەیان هەڵسەنگاند و بۆیان دەرکەوت، بەکارهێنەرانی ئەو جۆرە دەرمانانە ئەگەری بیرکردنەوە لە خۆکوشتنیان 45٪ زیاترە بەراورد بەوانەی بۆ خۆلاوازکردنەوەی دەرمانەکان بەکارناهێنن.

 

تەنانەت بەپێی ئامارەکانی توێژینەوەکە، ئەگەر کەسێک دەرمانەکانی خەمۆکی و گوشاری دەروونی بەکاربهێنێت و بۆ خۆلاوازکردنەوە پەنا بباتە بەر دەرمان، ئەوا چوار ئەوەندە بیری خۆکوشتنی زیاددەبێت.

 

هەرچەندە دەزگای خۆراک و دەرمان لە ئەورووپا رایگەیاند، بەڵگەی تەواوەتی نییە لەبارەی پەیوەندیی نێوان خۆکوشتن و بەکارهێنانی دەرمانەکانی قەڵەوی، بەڵام ئەم توێژینەوە نوێیە سەرنجێک دەخاتە سەر کاریگەرییە لاوەکییەکانی دەرمانەکان.

 

لەم دواییانە چەند لێکۆڵینەوە و راگەیێندراوێکی نوێ بڵاوکرانەوە و ئاشکرای دەکەن، دەرمانەکانی قەڵەوی ئەگەری تووشبوون بە نەخۆشییەکانی دڵ و لوولەکانی خوێن، سستبوونی گورچیلە، شێرپەنجە و هەوکردنی پەنکریاس کەمدەکەنەوە.

 

بەڵام FDA رێنوێنیی هاووڵاتییان دەکات، ''ئەو جۆرە دەرمانانە بەتەواوی دەبێت لەژێر راوێژی پزیشکدا بەکاربێن، چونکە پێویستە بەپێی بڕ و کاتی دیاریکراو بۆ کەسی شیاو بەکاربهێندرێن''.