توێژینەوەیەک: دەرمانی 'tirzepatide' ئەگەری تووشبوون بە شەکرە و قەڵەوی کەمدەکاتەوە

 

ئەم توێژینەوەیە بۆ ماوەی سێ ساڵ بەردەوام بووە و دەرکەوتووە، تێرزەپەتاید ئەگەری تووشبوون بە نەخۆشیی شەکرەی جۆری دووەم بەڕێژەی 94٪ و ئەگەری تووشبوون بە قەڵەوی بەڕێژەی 23٪ کەمدەکاتەوە. 

 

کۆمپانیاکە ئاماژە بەوەشدەکات، دەبێت ئەم دەرمانە لە ژێر چاودێری پزیشکی پسپۆڕ بەکاربهێندرێت و کاریگەرییە نەرێنییەکانی بریتین لە سکچوون، قەبزی و ڕشانەوە. 

 

بە گوێرەی ئەم توێژینەوەیە، یەک لەسەر سێی دانیشتووانی ئەمریکا مەترسیی تووشبوونیان بە نەخۆشیی شەکرە هەیە و گۆڕینی شێوازی ژیان باشترین رێگەی پێشگیریکردنە لە تووشبوون بە شەکرە. 

 

بەپێی کۆمەڵەی شەکرە لە ئەمریکا، کەمکردنەوەی کاربۆهیدرات، وەرزشکردن، کۆنتڕۆلکردنی گوشاری دەروونی و دورکەوتنەوە لە جگەرە، نێرگەلە و کحول ئەگەری تووشبوون بە شەکرە کەمدەکەنەوە.