رووداو - تەندروستی
زانکۆی کۆلێژی لەندەن و سەنتەری پزیشکیی زانکۆی گۆتینگن رایدەگەیێنن، بە دیاریکردنی هەشت پڕۆتین لە خوێن دەکرێت پێشبینی تووشبوون بە نەخۆشیی لەرزۆکی ''پارکینسۆن'' بکرێت.
توێژینەوە هاوبەشەکەی زانکۆی کۆلێژی لەندەن و سەنتەری پزیشکیی زانکۆی گۆتینگن پشکنینێکی نوێی خوێن دەخاتەڕوو کە تێیدا ژیریی دەستکرد بەکاردەهێنرێت بۆ جیاکردنەوەی پرۆتینەکانی نێو خوێن و دەکرێت 7 ساڵ پێش دەرکەوتنی نیشانەکانی، پێشبینی تووشبوون بە نەخۆشیی پارکینسۆن بکرێت.
د. دانیال ترونگ، پزیشکی پسپۆڕی مێشک و دەمار لە ئەمریکا دەڵێت، '' ئەگەر ئەم پشکنینە بە سەرکەوتوویی جێبەجێ بکرێت، دەتوانێت ببێتە هۆی دەستێوەردانی زووتر و کاریگەرتر، لە کۆتاییدا ژیانی ملیۆنان کەس باشتر دەکات کە لە مەترسیدان لە تووشبوون بە نەخۆشیی پارکینسۆن."
بە گوێرەی مایۆکلینیک، نەخۆشیی لەرزۆکی تێکچوونێکی دەمارییە کاریگەری لەسەر کۆئەندامی دەمار و ئەو بەشانەی لەش هەیە کە دەمارەکان کۆنتڕۆڵی دەکەن، نیشانەکانی بە هێواشی دەست پێدەکات و بریتین لە رەقبوونی ماسوولکەکان، لەرزینی قاچ و دەست و لەدەستدانی هاوسەنگی.
بە پێی ناوەندی کۆنتڕۆڵکردن و پێشگیریکردن لە نەخۆشییەکان لە ئەمریکا، 3٪ـی دانیشتووانی جیهان کە سەرووی 60 ساڵانن تووشبووی نەخۆشییەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ