هەڵەیەک روویدا! دووبارە هەوڵبدە
رووداو - تەندروستی
ڤاتیکان بە فەرمی کۆچی دوایی پاپا فرانسیس، پاپای ڤاتیکان رادەگەیێنێت.
پاپا فرانسیس تەمەنی 88 ساڵ بوو و بەم دواییانە بەهۆی تووشبوونی بە هەوکردنی سییەکانەوە چەندین رۆژ لە نەخۆشخانە مایەوە و لەگەڵ باشتربوونەوەی دۆخەکەی، بەشداری جەژنی هەستانەوەی کرد.
ئەو لە ئەرجەنتین لە ساڵی 1936 لەدایکبووە، کەنیسەی گشتیی ڤاتیکان دەڵێت: لە 7:35 خولەکی ئەم بەیانییە کۆچی دوایی کرد.
بەپێی سەرچاوەکانی نزیک لە پاپا، ئەو تەنیا بە یەک لای سی هەناسەی داوە و لە کاتی منداڵی بەهۆی هەوکردنێکی تووندەوە لایەکی سییەکانی پەکی کەوتووە.
بۆ یەکەمجار لە تەمەنی 84 ساڵیدا نەشتەرگەریی ریخۆڵەی بۆ کراوە، هەروەها لە 86 ساڵیدا بەهۆی هەوکردن و ناڕێکیی هەناسەدانی چەندجارێک لە نەخۆشخانە خەوێندراوە.
لەم چەند رۆژەدا بەهۆی جەژنی هەستانەوە، پزیشکان هۆشدارییان لە تەندروستیی پاپا دا لەبەر بەشداری کردنی و چالاکییەکانی بۆ جەژنەکە، و گوتیان کە پێویستی بە چاودێرییەکی چڕ هەیە بەهۆی ئەوەی دۆخی تەندروستی ناجێگیرە و تووشی هەوکردنێکی تووندی سی بووە بە ناوی نیومۆنیا Pnuemonia.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ