هەڵەیەک روویدا! دووبارە هەوڵبدە
کاتی بەڕێوەچوونی هەڵمەتەکە بە ئامادەبوونی نزیکەی 500 ئەندامی دکتۆر ئاراس کۆمیونیتی.
رووداو - تەندروستی
هەڵمەتی دکتۆر ئاراس کۆمیونیتی دەستیپێکرد، نزیکەی 500 ئەندام بەشدارییان لەم چالاکییە کرد بۆ بڵاوکردنەوەی هۆشیاریی تەندروستی و ئەنجامدانی پشکنینی پزیشکی بۆ کەسانی بەساڵاچوو لە هەولێر.
نزیکەی 500 ئەندامی دکتۆر ئاراس کۆمیونیتی کە لە خوێندکارانی پەیمانگەی تەکنیکیی پایتەخت پێکهاتبوون چالاکییەکی مەیدانییان بۆ بڵاوکردنەوەی هۆشیاریی تەندروستی و ئەنجامدانی پشکنینی پزیشکی بۆ کەسانی بەساڵاچوو کرد.
سۆلین محەممەد، خوێندکاری بەشێکی پزیشکییە لە پەیمانگەی پایتەخت و گوتی، وەکو خوێندکارێکی پزیشکی حەزم لێبوو سەردانی دکتۆر ئاراس بکەم، قسەی لەگەڵ بکەم و منیش بەشدارم بم لە پڕۆژەکان و یارمەتی خەڵک بدەین .
زیاتر لە 25 هەزار زانیاری لەبارەی چوار بابەتی جیاواز پرینتکران و دراونەتە خەڵکی، بابەتەکان ئەمانەن: شیرپێدان، شەکرەی خوێن، بەرزەپەستانی خوێن و فریاگوزاریی سەرەتایی.
بەڵێن جەمیل، بەشداربووە لە پڕۆژەکە و دەڵێت: ''پڕۆژەکان کاریگەری زۆریان هەبووە لەسەر خەڵک، ئێمە وەک خوێندکارانی پەیمانگەی پایتەخت پڕۆژەکەمان کرد''.
پڕۆژەکە لە گەڕەکە کەمداهاتەکانی هەولێر جێبەجێ کرا و سەرۆکی بەشی شیکاری نەخۆشییەکان لە پەیمانگەی پایتەخت گوتی، خەڵک پێویستیان بە هۆشیاریی تەندروستیی زیاتر هەیە.
لە کاتی گەڕان بەسەر ماڵەکاندا، چوار کەسی بەساڵاچوو دەستنیشانکران کە نەخۆشیی درێژخایەنیان هەبوو و دەرمانیان بۆ دابینکرا.
ئامانج لە پڕۆژەکانی دکتۆر ئاراس کۆمیونیتی بە هاوبەشی لەگەڵ لایەنە جیاوازەکانی کەرتی تەندروستی، بەرزکردنەوەی هۆشیاریی تەندروستیی کۆمەڵگەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ