خانمێکی ئەمریکی دوو نهێنیی کێشدابەزاندنی لە ماوەی ساڵێکدا ئاشکرادەکات

 

لۆری جێریشا، خانمێکی 47 ساڵانی ئەمریکییە و دەڵێت، بە وەرزش و چالاکیی جەستەیی لەگەڵ پەیڕەوکردنی رێژیمی خۆراکی دوو نهێنیی کێشدابەزاندنەکەین، بەجۆرێک توانیویەتی لە ماوەی ساڵێکدا 26 کیلۆگرام کێشی داببەزێنێت.

 

ئەو گوتی، ساڵی رابردوو کێشی 95 کیلۆگرام بووە و درکی بەوە کردووە کە ئیدی پێویستە گۆڕانکاریی تەواو لە ژیانیدا بکات.

 

لۆری جێریشا دەڵێت: ''ناڕازیبووم لە قەڵەوییەکەم و تووشی بەرزیی چەوری و پەستانی خوێن بووم، تەنانەت لەکاتی خەوتنیشدا هەناسەم دەوەستا''.

 

بە گوتەی خۆی، هەفتانە سێ بۆ شەش رۆژ وەرزش دەکات و بایەخێکی زۆریش بە بەپێ رۆیشتن دەدات، ئەوەش باسدەکات کە ئەپێکی دابەزاندووە بۆ هەژمارکردنی کالۆرییەکانی رۆژانەی تاوەکو کۆنتڕۆڵی جۆری خۆراکەکانی بکات و بایەخیش بەم خۆراکانەش دەدات؛

 

- خواردنی سەوز و میوەکان

- کەمکردنەوەی شیرینییەکان

- نەخواردنی ژەمی قورس لە ئێواران

- بایەخدان بە بەرهەمە کوڵاوەکان و پشتگوێخستنی برژاوەکان

 

بەشێکی قسەکانیشی باسی هاوژینەکەی دەکات کە پاڵپشتیی کردووە لە دابەزاندنی کێشی و هەمیشە وەکو هاندەرێک بووە بۆی.