هەڵەیەک روویدا! دووبارە هەوڵبدە
رووداو - تەندروستی
پسپۆڕێکی نەشتەرگەری و شێواوییە سکماکییەکانی منداڵان رایدەگەیێنێت، فتقی ناوک سکماکییە و هۆكارەكەی دوانەخستنی تەواوی ماسوولکەکانی دەوروبەری ناوکە دوای لەدایکبوون. زیاتر لە کۆرپەی پێشوەختە یان ئەوانەی کە پێشینەی فتقی خێزانیان هەیە باو دەبێت.
د. سارا ئەنمار بەرزنجی، پسپۆڕی نەشتەرگەری و شێواوییە سکماکییەکانی منداڵان دەڵێت: فتقی ناوک حاڵەتێکە کە بەشێک لە ریخۆڵە یان شانە چەورییەکان پاڵ بە دەرچەیەکەوە دەنێن لە ماسوولکەکانی سک لە نزیک ناوک.
بەگوتەی د. سارا نیشانەکان ئەمانەن؛
- هەڵئاوسانی نەرم یان ئاوسانی ناوک کاتێک منداڵەکە دەگری یان گرژ دەبێت.
- لەوانەیە کاتێک منداڵەکە ئارام بێت یان پاڵکەوتووە، گەورەبوونەکە کەم بێتەوە یان تەخت بێت.
- فتق بەزۆری بێ ئازارە.
هەروەها چارەسەرەکانیش ئەمانەن؛
1- زۆربەی فتقی ناوک لە منداڵاندا لە تەمەنی 1 یان 2 ساڵیدا بە تەنیا دادەخرێت بەبێ ئەوەی پێویست بە نەشتەرگەری بکات. پێویست ناكات هيچ شتێك بەكار بێت وەکو دانانی (قايش یاخود دينار).
2- ئەگەر فتقەکە دانەخرا یان ئاڵۆزییەکانی لێکەوتەوە (وەک ئازار یان گیران)، ئەو كات پێویست بە نەشتەرگەری دەكات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ