هەڵەیەک روویدا! دووبارە هەوڵبدە
رووداو - تەندروستی
لە هەولێر هەڵمەتێکی خوێنبەخشین بە تووشبووانی تالاسیمیا و شێرپەنجە بەڕێوەچوو.
ئەمڕۆ دووشەممە 18-11-2024 لە هەولێر لەنێو مزگەوتی جەلیل خەیات هەڵمەتەکە چەند کاژێرێکی خایاند و تایبەت بوو بە بەخشینی خوێن بە تووشبووانی تالاسیمیا و شێرپەنجەی نەخۆشخانەی نانەکەلی.
د. دلۆڤان محەممەد، بەڕێوەبەری گشتیی تەندروستیی هەولێر لەبارەی زۆری رێژەی تووشبووانی شێرپەنجە لە پارێزگاکە گوتی، ئەو رێژەی زۆرەی شێرپەنجە بۆ وردی لە دەستنیشانکردن و تۆمارکردن دەگەڕێتەوە.
دەشڵێت: هەموو تووشبووانی شێرپەنجە لە هەولێر، خەڵکی شارەکە نین و بەشێکیان خەڵکی پارێزگاکانی دیکەی هەرێمی کوردستان و خوارووی عێراقن.
ئەوەشی پشتڕاستکردەوە کە ئامارەکانی شێرپەنجە کە لەلایەن ئەنجوومەنی شێرپەنجە لە عێراق بڵاوکراونەتەوە دروستن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ