د. یاد نەقشبەندی: لە شەش مانگی سەرەتای ئەمساڵ هەزار و 416 تووشبووی شێرپەنجە تۆمارکراون

 

ئەمڕۆ یەکشەممە 18ـی ئابی 2024 د. یاد نەقشبەندی، بەڕێوەبەری نەخۆشخانەی هیوا لە سلێمانی لە لێدوانێکی رۆژنامەڤانیدا گوتی، لە شەش مانگی یەکەمی ئەمساڵدا لە سلێمانی هەزار و 416 تووشبووی شێرپەنجە تۆمارکراون.

 

د. یاد نەقشبەندی، بەڕێوەبەری نەخۆشخانەی هیوا گوتیشی، باشترین کار ئەوەیە هاونیشتمانییان لەکاتی دەرکەوتنی نیشانەکانی شێرپەنجە پشکنین بکەن، بۆ ئەوەی چارەسەرکردنی ئاسانتر بێت.

 

تەنانەت ئاماژە بەوەشدەکات، باوترین جۆری شێرپەنجە شێرپەنجەی مەمکە، ئینجا هەریەک لە شێرپەنجەکانی 'کۆڵۆن، سی و خوێن'ـن.

 

 

* خۆراکی تەندروست

* کەمخواردنی خۆراکە لەقوتوونراوەکان 

* نەکێشانی جگەرە و نێرگەلە 

* دوورکەوتنەوە لە کحول        

* وەرزش         

* کێشڕێکی 

* ژینگەی خاوێن           

* خۆپاراستن لە تیشکە زیانبەخشەکان