نێو سەنتەرێکی حکومی ئۆتیزم لە سلێمانی.
رووداو - تەندروستی
لقی سلێمانیی کۆمەڵەی ئۆتیزمی کوردستان رایدەگەیێنێت، رێژەیەکی زۆر کەمی منداڵی ئۆتیزم لە سلێمانی مووچەیان هەیە و دەڵێت: ''بارگرانیی دارایی بۆ منداڵانی ئۆتیزم زۆرە''.
ئەمڕۆ یەکشەممە 17-11-2024 بەختیار رەئووف، جێگری سەرۆکی لقی ئۆتیزمی سلێمانی لە کۆنگرەیەکی رۆژنامەڤانیدا گوتی، لەکۆی هەزار و 500 منداڵی ئۆتیزم لە سلێمانی، 62ـیان مانگانە 150 هەزار دینار وەردەگرن.
بەختیار رەئووف دەڵێت: بارگرانیی دارایی بۆ منداڵانی ئۆتیزم زۆرە، بەتایبەت خزمەتگوزارییە تەندروستییەکانیان.
ئەمڕۆ لە سلێمانی لە نەخۆشخانەی شۆڕش ئامێرێک بۆ باشترکردنی کوالێتیی چارەسەرییەکانی دەم و ددان بۆ منداڵانی ئۆتیزم دانرا، بەجۆرێک لەمەودوا بە ئاسانی دەتواندرێت رێککاری و دەرکێشان و چاککردنی ددان بۆ منداڵەکان بکرێت، چونکە بەهۆی دۆخەکەیانەوە ناتواندرێت وەکو کەسانی ئاسایی چارەسەرییەکانیان بۆ بکرێت.
کۆمەڵەی ئۆتیزم دەڵێت: 2080 منداڵی ئۆتیزم لە هەرێمی کوردستان مووچەیان نییە {راپۆرتەکە لێرەوە ببینە}.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ