رووداو - تەندروستی
رێکخراوی تەندروستیی جیهانی WHO رایدەگەیێنێت، تووشبوونی کەسێک بە کۆلێرا پشتڕاستکراوەتەوە و بەهۆی ئاوارەبوونەوە مەترسیی بڵاوبوونەوەی نەخۆشییەکە زۆر بەرزە.
رێکخراوەکە ئاماژە بەوەدەکات، تووشبووەکە دانیشتووی یەکێک لە ناوچەکانی باشوورە و پێشووتر کوتانی بۆ نەکراوە، لەگەڵ هاتنی ئەو کەسانەی بەهۆی شەڕ و پێکدادانەوە ئاوارەبوون بۆ باکوور مەترسیی گوێزرانەوەی نەخۆشییەکە زیاترە.
عەبدولناسر ئەبوبەکر، نوێنەری رێکخراوی تەندروستیی جیهانی لە لوبنان دەڵێت، ''WHO لە نزیکەوە کاردەکات لەگەڵ وەزارەتی تەندروستیی و هاوبەشەکانی دیکە بۆ پاراستنی پاکوخاوێنی و دابینکردنی ئاوی پاک''.
بەگوێرەی رێکخراوی تەندروستیی جیهانی، هەڵمەتی کوتان بە ڤاکسینی کۆلێرا بە ئامانجی کوتانی 350 هەزار کەس لەلایەن وەزارەتی تەندروستییەوە دەستیپێکردووە، بەڵام بەهۆی جەنگ و توندوتیژی هەڵمەتەکە وەستاوە.
بەپێی WHO, لەدوای پەرەسەندنی شەڕ و پێکدادانەکان 23 هێرش کراوەتە سەر ناوچەکانی چاودێریی تەندروستی کە بووەتە هۆی گیانلەدەستدانی 72 کەس و برینداربوونی 43 کەس لە نێو کارمەندانی تەندروستی و نەخۆش لە لوبنان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ