رووداو- دیجیتاڵ
سەرۆکی فیدراسیۆنی پزیشكانی ددان لە جیهاندا رایدەگەیێنێت، بەهۆی پەتای کۆرۆنا، ئێستا تووشبوون بە نەخۆشییەکانی دەم و پووک و کلۆربوونی ددانەکان زیاتربووە.
د. گێرهارد کۆنراد، سەرۆکی فیدراسیۆنی پزیشكانی ددان لە جیهاندا دەڵێت، ساڵێك زیاتر بەسەر پەتای کۆرۆنا تێپەڕیوە، کاریگەریی خراپی بەسەر تەندروستیی و خزمەتگوزارییەکانی دەم و ددان جێهێشتووە.
د. گێرهارد روونیدەکاتەوە، خەڵک لەماوەی کۆرۆنا کەمتر سەردانی پزیشكیان کردووە، کەمتر ددانەکانیان شوشتووە و زۆرتریش خۆراکی ناتەندروستیان خواردووە کە هۆکاربووە بۆ کلۆربوونی ددانەکان.
لەماوەی شەپۆلی یەکەمی کۆرۆنادا لە زۆربەی وڵاتان سەنتەر و بنکەکانی ددان داخران، ئەمەش وایکرد گرفت لە سەردانکردنی پزیشكانی ددان دروستببێت و رێكخراوی تەندروستی جیهانیش دەڵێت، خزمەتگوزارییەکانی تەندروستی دەم و ددان لەنێو ئەوانەبوون کە زۆرترین زیانیان بەرکەوت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ