توێژینەوەیەکی جیهانی: تاوەکو 2050 زیاتر لە 39 ملیۆن کەس بە بەهێزبوونی بەکتریاکان گیانلەدەستدەدەن

 

ناوەندی پزیشکیی ژینگەیی و تەندروستیی گشتی لە ئینگلاند رایدەگەیێنێت، لە ماوەی 25 ساڵی داهاتوودا کێشەی بەهێزبوونی بەکتریاکان و نەمانی کاریگەریی دژەبەکتریاکان دەبێتەهۆی گیانلەدەستدانی زیاتر لە 39 ملیۆن کەس بە شێوەی راستەوخۆ و گیانلەدەستدانی 169 ملیۆن کەس بە شێوەی ناڕاستەوخۆ.

 

نوێترین توێژینەوەی ناوەندەکە دەریدەخات، ئەمساڵ بەراورد بە ساڵی رابردوو مردن بە بەهێزبوونی بەکتریاکان 75٪ زیادبووە.

 

 

هاوکات توێژەران هۆشداری دەدەنە وڵاتانی تازەپێگەیشتوو و کەمداهات بەتایبەت وڵاتانی ئەفریقا و باشووری ئاسیا، چونکە بەهۆی کەمیی هۆشیاریی تەندروستییەوە زیاتر تووشی ئەو کێشەیە دەبن.

 

دام سالی، نوێنەری نەتەوەیەکگرتووەکان بۆ پرسی بەهێزبوونی بەکتریاکان دەڵێت: کێشەکە گەورەترین مەترسیی لەسەر بەساڵاچووان دروستدەکات، چونکە بەرگرییان لاوازترە بەراورد بە کەسانی دیکە.

 

لە یەکەمین دیداری دکتۆر ئاراس لە دهۆک، باسی چارەسەری ئەو کێشە جیهانییە و پێشگیریکردن لێی کرا.