رووداو - تەندروستی
توێژینەوەیەکی زانکۆی ئۆکسفۆرد لە بەریتانیا دەریدەخات، بەکارهێنانی تووتن، خواردنەوەی کحول و خەوی خراپ کێشەکانی دوای تووشبوون بە کۆرۆنا زیاددەکەن و ماوەی خەواندن لە نەخۆشخانە درێژدەکەنەوە.
لەم توێژینەوەدا زیاتر لە 68 هەزار کەس بەشداریان کردووە و دەرکەوتووە، ئەوانەی شێوازی ژیانی تەندروستیان هەیە مەترسیی خەواندنیان لە نەخۆشخانە و کێشەکانی دوای تووشبوونیان بە کۆرۆنا کەمترە بەراورد بەوانەی شێوازێکی ژیانی ناتەندروستیان هەیە.
د. جونکین هێکسای، سەرپەرشتیاری توێژینەوەکە دەڵێت، ''پەیڕەوکردنی شێوازی ژیانی تەندروست گووشاری دەروونی و ترس کەمدەکاتەوە لە کاتی تووشبوون بە نەخۆشییە گوازراوەکان و درێژخایەنەکان''.
رێنماییی رێکخراوی تەندروستیی جیهانی WHO سەبارەت بە شێوازی ژیانی تەندروست بریتیە لە دوورکەوتنەوە لە بەکارهێنانی شەکر و خوێی زیادە، ئەنجامدانی وەرزشی مامناوەند و دوورکەوتنەوە لە كێشانی جگەرە، نێرگەلە و خواردنەوەی کحول.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ