هەڵەیەک روویدا! دووبارە هەوڵبدە
رووداو- دیجیتاڵ
بەرپرسانی تەندروستیی شاری لۆس ئەنجلس لە ئەمریکا بەستنی ماسکیان لە شوێنە گشتییەکان کردە ناچاری.
ئەم بڕیارەی بەرپرسانی تەندروستیی لۆس ئەنجلس دوای ئەوەدێت کە پزیشکانی ئەمریکا رایانگەیاندبوو ئەوانەی بەتەواوی ڤاکسینیان بۆ کراوە پێویست ناکات لە دەرەوە ماسک ببەستن.
زیادبوونەوەی ژمارەی تووشبووانی کۆرۆنا لە لۆس ئەنجلس، بەرپرسانی شارەکەی ناچارکرد دووبارە بڕیاری بەستنی ماسک لە شوێنە گشتییەکان دەربکەن بێگوێدانە بەوەی کەسەکە ڤاکسینی وەرگرتووە یان نە.
بڵاوبوونەوەی کۆرۆنای گۆڕاوی دەلتا بووەتەهۆی زیادبوونەوەی ژمارەی تووشبووان لە ئەمریکا و بەگوێرەی ئامارەکان ئێستا ٪70ی تووشبووان هەڵگری کۆرۆنای گۆڕاوی دەلتان، هەر ئەمەش وایکردووە دووبارە رێکارەکان دابندرێنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ