رووداو - تەندروستی
وەزارەتی تەندروستیی پاکستان رایدەگەیێنێت، حەوتەم تووشبووی نەخۆشیی 'ئاوڵەی مویموون' تۆمارکرا و تووشبووەکە لە یەکێک لە وڵاتانی کەنداو گەڕاوەتەوە.
وەزارەتی تەندروستیی پاکستان ئاماژە بەوەدەکات، ئەم تووشبووە پیاوێکی تەمەن 44 ساڵە دانیشتووی پارێزگای پەنجابە، لە ئیسلام ئاباد پشکنینی بۆ کراوە و دەرکەوتووە کە تووشبووی نەخۆشییەکەیە.
وەزیری تەندروستیی وڵاتەکە دەڵێت، نەخۆشەکە لە نەخۆشخانەیەکی ئیسلام ئاباد کەرەنتینە کراوە و باری تەندروستی جێگیرە.
بەگوێرەی وەزارەتی تەندروستیی پاکستان، ئەمە حەوتەمین تووشبووی نەخۆشیی 'ئاوڵەی مەیموون'ـە لەمساڵ تۆماردەکرێت و شەشیان لە دوای ئەوەی رێکخراوی تەندروستیی جیهانی ئەم پەتایەی وەکو باری نائاسایی تەندروستیی گشتی ناساند، تووشی نەخۆشییەکە بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ