هەڵەیەک روویدا! دووبارە هەوڵبدە
رووداو - تەندروستی
پسپۆڕێکی پزیشکیی فریاکەوتن دەڵێت، یەکێک لە هۆکارەکانی تەقینی سۆپا و ئامێرەکانی گەرمکەرەوە، چاودێری نەکردنیانە.
ئەمڕۆ پێنجشەممە 16-1-2024 د. رێکان محەممەد، پسپۆڕی پزیشکیی فریاکەوتن بە رووداوی گوت، لە کاتی تەقینی سۆپا دەکرێت کەسەکە بەجۆرێک بسووتێت کە رێژەی سووتاوییەکەی زۆر بێت و لە هەناسەدان بوەستێت، بۆیە پێویستە راستەوخۆ ئەو کەسە بگەیێندرێتە نەخۆشخانە.
د. رێکان محەممەد دەڵێت: ئەگەر کەسی سووتاو لایەنی هۆشیاری باش بوو و کێشەی هەناسەدانی نەبوو، یان سووتاوییەکە نەگەیشتبووە بەشی سەرەوەی کۆئەندامی هەناسەی، ئەوا پێویستە جەستەی بە ئاوێکی شلەتێن ساردبکرێتەوە و هیچ مادەیەکی لێنەدرێت، ئینجا بگەیێندرێتە نەخۆشخانە.
بەگوتەی ئەو پسپۆڕە، هەر سۆپایەک نەوتی لێچوو یاخود کێشەی دەردانی گاز و بۆنی گازی لێهات، ئەوا نابێت پشتگوێبخرێت، چونکە دەشێت رووداوی دڵتەزێنی لێبکەوێتەوە.
لە گوندێکی هەولێر ژنێک بەهۆی تەقینی سۆپاوە گیانی لەدەستدا {راپۆرتەکە ببینە}.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ