د. نەریمان محەممەد، پسپۆڕی نەخۆشی و نەشتەرگەرییەکانی مەمک.
رووداو - تەندروستی
پسپۆڕێکی نەخۆشییەکانی شێرپەنجە نوێترین رێگە چارەسەرەکان و مامەڵەکردنەکان بۆ نەخۆشیی شێرپەنجە ئاشکرادەکات و دەڵێت: چارەسەرەکان لەڕووی نەشتەرگەری و دەرمانەوە پێشکەوتوون و ئێستا کوالێتیی چارەسەری بۆ شێرپەنجە باشتربووە.
ئەمڕۆ سێشەممە 15ـی تشرینی یەکەمی 2024 د. نەریمان محەممەد، پسپۆڕی نەخۆشی و نەشتەرگەرییەکانی مەمک لە سلێمانی بە رووداوی راگەیاند، ئێستا سیستمێکی نوێی پێدانی دەرمان بۆ تووشبووانی شێرپەنجە پەیڕەودەکرێت کە کاریگەرییە لاوەکییەکانی کەمترە بەراورد بە ساڵانی رابردوو.
د. نەریمان محەممەد روونی دەکاتەوە و بە پێویستیشی دەزانێت کە هۆشیاریی تەندروستی لە پشکنینی پێشوەختە و خودپشکنینی مەمک هەبێت و هەمیشە خانمان لە ئەگەری بوونی هەر ناڕێکییەک پەنا ببەنە بەر پزیشکی پسپۆڕ.
لە بەشێکی قسەکانیدا ئاشکرای دەکات، ئەوانەی لە قۆناخی یەک و دووی شێرپەنجەی مەمک دەستنیشاندەکرێن، تێچووی چارەسەرەکانیان کەمترە بەراورد بەوانەی لە قۆناخی سێ و چواردا دەستنیشاندەکرێن.
خانمان، بەم رێگەیانە ئەگەری تووشبوون بە شێرپەنجەی مەمک کەمبکەنەوە
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ