سەنتەری نوێی شەکرە لە دهۆک. وێنە: رووداو
رووداو - تەندروستی
بەرپرسی بەشی نەخۆشییە نەگوازراوەکان لە دهۆک رایدەگەیێنێت، دەرمانەکان بۆ تووشبووانی شەکرە لە سەنتەرە حکومییەکان لە ئاستی پێویستدا نییە.
ئەمڕۆ پێنجشەممە 14-11-2024 د. بڵند بەیار، بەرپرسی بەشی نەخۆشییە نەگوازراوەکان لە دهۆک بە رووداوی راگەیاند، زیاتر لە 34 هەزار تووشبووی شەکرە لە پارێزگاکە هەن کە تەنیا ئەمساڵ هەزار و 400ـیان نوێ بوون.
ئەو پسپۆڕە ئەنجامەکانی بەدواداچوونێکی رووداو پشتڕاستدەکاتەوە کە تەنیا ئەمساڵ نزیکەی پێنج هەزار تووشبووی شەکرە لە هەرێمی کوردستان لە ناوەندە حکومییەکان تۆمارکراون.
د. بڵند بەیار دەڵێت: هەر تووشبوویەکی شەکرە پێویستی بە پشکنینی بەردەوام، رێنوێنیی پزیشک و باشترکردنی شێوازی ژیانی هەیە، بەڵام بەداخەوە تاوەکو ئێستا دەرمانی پێویست بۆ ئەو نەخۆشانە بەردەست نییە.
لە کۆتاییدا گوتی، پێویستە هەر کەسێکی سەروو 35 ساڵان، ساڵی جارێک پشکنینی پێشوەختەی شەکرە بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ