رووداو - تەندروستی
سەرۆکوەزیرانی بەریتانیا رایدەگەیەنێت، دۆخی خزمەتگوزاریی تەندروستیی بەریتانیا NHS باشنییە و خزمەتگوزارییەکە رووبەڕووی ئاستەنگی تووند بووەتەوە.
کیێر ستارمەر، سەرۆکوەزیرانی بەریتانیا ئاماژە بەوەدەکات، خزمەتگوزاریی تەندروستیی نیشتمانی وەکو پێویست نییە و کەمترخەمی تێدادەکرێت، دەبێت بەپەلە چاکسازی بکرێت و بودجەی پێویست دابینبکرێت.
ستارمەر دەڵێت، ساڵی رابردوو زیاتر لە 100 هەزار کۆرپە شەش کاژێر و زیاتر لە چاوەڕوانی دەستگەیشتن بە خزمەتگوزاییە تەندروستییەکان بوون، نزیکەی 10%ی نەخۆشەکان بەرگەی چاوەڕوانی 12 کاژێریان گرتووە بۆ چارەسەرکردن، ئەمە دەبێتە هۆی گیانلەدەستدانی چەندین نەخۆش کە دەتوانرێت پێشگیری لێبکرێت.
ستارمەر دەشڵێت، ''ئەوە وێرانکەر و دڵشکێنە، بەم شێوەیە بێت بەریتانیا دەبێتە کۆمەڵگەیەکی دواکەوتوو لە بواری تەندروستی''.
بەگوێرەی وەزیری تەندروستی ئەو وڵاتە، NHS پێویستی بە سێ گۆڕانکاری گەورە هەیە، ئەوانیش بریتین لە 'گرنگیدان بە چاودێریی کۆمەڵایەتی و کەمکردنەوەی رێژەی نەخۆش لە نەخۆشخانەکان، گواستنەوە لە خزمەتگوزاریی ئەنەڵۆگەوە بۆ خزمەتگوزارییە دیجیتاڵییەکان، گۆڕانکاری لە چارەسەرکردنی نەخۆشییەوە بۆ پێشگیریکردن لە تووشبوون بە نەخۆشی و خۆپاراستن'.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ