پسپۆڕێک: مایەسیری لەو کەسانە باوە کە زۆر پەستان دەخەنە سەر کۆمیان لە توالێت

 

د. شێرکۆ عەباس، پسپۆڕی نەشتەرگەریی گشتی بە رووداوی راگەیاند، خانمان زۆرینەی ئەوانەن کە تووشی مایەسیری دەبن و زۆردانیشتن لە توالێت هۆکارێکی سەرەکیی نەخۆشییەکەیە.

 

ئەو پسپۆڕە جەخت لەوە دەکاتەوە، 90٪ـی مایەسیرییەکان چارەسەردەکرێن، ئەگەر نەخۆشەکە بە زوویی سەردانی پزیشکی پسپۆڕ بکات، چونکە بە گۆڕینی شێوازی ژیان و پێدانی هەندێک دەرمان دەتواندرێت مایەسیرییەکە نەمێنیت.

 

 

 

د. شێرکۆ عەباس: مایەسیری هەڵئاوسانی بۆرییە خوێنەکانی دیواری کۆمە کە کۆتا بەشی کۆئەندامی هەرسە. خانمان بەراورد بە پیاوان زیاتر تووشی دەبن، هەروەها نەخۆشییەکە لەنێو کەسانی سەروو 45 ساڵان بەربڵاوە.

 

 

د. شێرکۆ عەباس: زۆرجار مایەسیری دەشێت ئەم نیشانانەی هەبێت؛

 

-  ئازار و نائاسوودەیی لە توالێت

- بینینی خوێن

- خوران و هەڵئاوسانی بۆرییەکانی دەرچەی کۆم

- هاتنەخوارەوەی ئەو هەڵئاوسانەی کە لە دەرچەی کۆم دروستدەبێت

 

 

د. شێرکۆ عەباس: مایەسیری لەو کەسانە باوە کە زۆر پەستان دەخەنە سەر کۆمیان لە توالێت، چونکە قەبزن یاخود ئەم هۆکارانەی خوارەوەش هەن؛

 

- پەستانی زۆر لەکاتی میزکردن لەو کەسانەی کە پڕۆستاتیان هەیە

- قەڵەوی

- سکپڕی

- زۆردانیشتن

- بەرزکردنەوەی قورسایی زۆر 

- گرێی کۆڵۆن

- بۆماوەیی

 

 

د. شێرکۆ عەباس: بێگومان، 90٪ـی مایەسیرییەکان چارەسەردەکرێن، ئەگەر نەخۆشەکە بە زوویی سەردانی پزیشکی پسپۆڕ بکات، چونکە بە گۆڕینی شێوازی ژیان و پێدانی هەندێک دەرمان دەتواندرێت مایەسیرییەکە نەمێنیت، بەڵام ئەگەر درەنگ دەستنیشان بکرێت ئەوا دەشێت تەنیا بە نەشتەرگەری چاکبێت.

 

 

د. شێرکۆ عەباس: وەرزشەکانی راکردن و بەپێ رۆیشتن زۆر باشن بۆ تووشبووانی مایەسیری، چونکە قەبزی کەمدەکەنەوە، بەڵام ئەو وەرزشانەی بەرزکردنەوەی قورسایی تێدایە نابێت ئەنجامبدرێن.

 

 

د. شێرکۆ عەباس: بینینی خوێن لەنێو پیسایی هەموو کاتێک مەترسیدارە، بۆیە هەر کەسێک خوێنی بینی لەنێو پیسایی پێویستە سەردانی پزیشکی پسپۆڕ بکات، چونکە رەنگە هۆکارەکەی زۆر لاواز بێت و رەنگیشە هۆکارەکەی تووند بێت.

 

 

د. شێرکۆ عەباس: زۆر دانیشتن بە شێوەیەکی ناڕاستەوخۆ دەبێتەهۆی مایەسیری، چونکە هۆکارێکی قەبزییە کە رێخۆشکەرە بۆ تووشبوون بە مایەسیری.

 

 

د. شێرکۆ عەباس: بەم رێگەیانەی خوارەوە؛

 

- کەمکردنەوەی دانیشتن

- بوونی جووڵە و چالاکیی جەستەیی رۆژانە

- خواردنی خۆراکی دەوڵەمەند بە ریشاڵەکان، چونکە قەبزی کەمدەکەنەوە

- ئاوخواردنەوەی پێویست

- لە توالێتدا زۆر مانەوە نەبێت و پەستانی زۆر نەخرێتە سەر کۆم

- کەمکردنەوەی گوشاری دەروونی

- رێکخستنی کاتی خەو

 

 

د. شێرکۆ عەباس: نابێت هیچ دەرمانێک بەبێ راوێژی پزیشک بەکاربێت، چونکە دەبێت بزانین کە پێکهاتەی دەرمانەکە چییە و سەرچاوەکەی لە کوێوەیە، هەروەها پێویستە هۆکاری نەخۆشییەکە لەلایەن پزیشک، دەستنیشان بکرێت ئینجا دەرمانی بۆ بەکاربێت.