CDC: بەهۆی بەکارهێنانی دەرزیی ساختەی بۆتۆکسەوە 13 خانم لە نەخۆشخانە دەخەوێندرێن

 

راپۆرتێکی ناوەندی کۆنتڕۆڵ و پێشگیری لە نەخۆشییەکان CDC لە ئەمریکا ئاشکرای دەکات، لە ماوەی پێنج مانگدا 17 خانم دووچاری کاریگەرییە مەترسیدارەکانی دەرزیی بۆتۆکس بوون و دەرکەوت، دەرزییەکان ساختەن و لەلایەن کەسانی ناشارەزاوە کراون.

 

ناوەندەکە ئاشکرای دەکات، 13 خانم لە نەخۆشخانە خەوێندراون و یەکێکیان ئامێری هەناسەدانی دەستکردی بۆ دانراوە.

 

لە راپۆرتەکەدا ئاماژە بەوەدەکرێت کە خانمەکان لە شوێنێکی نایاسایی لە ویلایەتی تێنیسی دەرزییەکەیان لەلایەن کەسێکی ناشارەزا بۆ کراوە و ویستوویانە چرچولۆچیی روخساریان کەمبکەنەوە.

 

بە گوتەی د. کریستین تۆماس، بەرپرسی بەشی پزیشکی لە تەندروستیی ویلایەتەکە، دەرزییە ساختەکانی بۆتۆکس لەلایەن کەسێکی بێمۆڵەت لە ماڵێکدا لەو خانمانە دراون.

 

د. کریستین تۆماس دەڵێت: ''دژە ژەهری بۆتوڵینیۆم دراوە بە خانمەکان تاوەکو لەو ژەهراویبوونە بپارێزرێن کە دەرزییە ساختەکان دروستیان کردووە''.

 

 

- لێڵبوونی بینین

- تەمبەڵی پێڵووی چاو

- قورسیی قوتدان

- وشکیی لێو و نێو دەم 

- هەناسەتەنگی

- لاوازی و بێهێزی 

 

لەم بارەیەوە FDA رایدەگەیەنێت، بۆتۆکسی ساختە لانیکەم 20 ساڵە لەنێو ئەمریکادا هەیە و زۆرینەی خەڵکیش بە ئۆنلاین دەستیان دەکەوێت.

 

 

- دڵنیابوونەوە لە شارەزایی ئەو کەسەی بۆتۆکسەکە دەکات.

- هەر دەرزییەکی بۆتۆکس بە ئینگلیزی لەسەری نەنووسرابوو، ئەوا ساختەیە.

- بەبێ راوێژی پزیشک و بینینی پزیشک، دەرزییەکە بەکارنەیەت.

- بڕی گونجاو لە دەرزییەکە بەکاربێت.

- بەرهەمی لەو شێوەیە بە رێگەی ئۆنلاین نەکڕدرێت.

لە بەرنامەیەکی دکتۆر ئاراس دا باس لە دەرزیی بۆتۆکس دەکرێت.



لەنێو ستۆدیۆی یەکێک لە بەرنامەکانی دکتۆر ئاراس دا بۆتۆکس بۆ چەند خانمێک دەکرێت.